Serbia nuk do të jetë pjesë e samitit BE-Ballkani Perëndimor që do të mbahet më 6 Dhjetor në Tiranë. Beogradi vendosi ta bojkotojë takimin e nivelit të lartë dhe sipas presidentit Aleksandër Vuçiç një gjë e tillë vjen pas reagimit të butë të BE-së ndaj emërimit të Nenad Rashiç, në postin e ministrit për Kthim dhe Komunitete në qeverinë e Kosovës.
“Më mirë të mos jem sesa t’ua dorëzoj në duar. Dhe nuk do t’ua dorëzoj. Askush nga Serbia nuk do të jetë në Tiranë me 6 Dhjetor për shkak të reagimit të butë të Bashkimit Europian. Jo vetëm që i kanë shkelur të gjitha normat e marrëveshjes së Brukselit, por edhe të gjitha normat e së drejtës ndërkombëtare”, tha Vuçiç.
Vuçiç iu referua një deklarate të zëdhënësit të BE-së për mediat serbe i cili tha se “është me rëndësi thelbësore që emërimet e ministrave të bëhen në pajtim me Kushtetutën e Kosovës. Në rastin konkret i bëjmë thirrje Kosovës të sigurohet që janë përmbushur të gjithë hapat procedural për emërimin e ministrit që përfaqëson bashkësitë jo shumicë”.
Emërimi i ministrit Rashiç u bë më pak se një muaj pas dorëheqjes se ish-ministrit Goran Rakiç nga radhët e Listës. Rashiq është kryetar i Partisë Demokratike Serbe në Kosovë.
Reagimi i Vuçiç e ka shfaqur atë ashtu siç është, krahu i djathtë i Milosheviqit.
”Ata zgjodhën llumin më të keq serb, nga fundi i fuqisë [kasës], Rashiqin dhe Rada Trajkoviqin, nuk ka më të këqij, që nuk kanë besimin e askujt në Serbi, por kanë besimin e Albin Kurtit dhe agjencive perëndimore. Ata mendojnë se do të na trembin. Nuk ka problem. Ju mund të shkatërroni presidentin e Serbisë, të organizoni protesta në Serbi, të më vrisni mua. Por për mua ‘Kosova dhe Metohia’ është shenjtëria më e madhe serbe, për mua Serbia është e shenjtë. Është më mirë të mos jem, se sa t’jua dorëzoj dhe nuk do t’jua dorëzoj. Dhe prandaj askush nga Serbia nuk do të jetë në Tiranë dhe ju vini bukur, udhëtoni me avion, flisni marrëzi, të gjithë nga Evropa dhe Ballkani Perëndimor”, tha Vuçiç. tvklan
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
