Të paktën gjatë vetë humbën jetën dhe mbi 50 u plagosën në një rrugë të ngarkuar të Stambollit nga një shpërthim me bombë që duhej të ishte sulm terrorist.
“Përpjekjet për të mposhtur Turqinë dhe popullin turk përmes terrorizmit do të dështojnë,” tha zoti presidentinturk Erdogan në një konferencë për shtyp për ngjarjen e rëndë.
Ambulancat nxituan në vendngjarje në rrugën Istiklal, të cilën policia e bllokoi me shpejtësi. Zona që ndodhet në qytetin më të madh të Turqisë, ishte e mbushur me blerës, turistë dhe familjarë.
Televizioni shtetëror TRT dhe agjencia shtetërore e lajmeve Anadolu thanë se shkaku i shpërthimit nuk dihej ende.
“Kur dëgjova shpërthimin ngriva, njerëzit ngrinë, duke parë njëri-tjetrin. Pastaj njerëzit filluan të vraponin. Ç’mund të bënin tjetër?,” tha 45 vjeçari Mehmet Akus, një punonjës në një restorant në Istiklal.
“Të afërmit më telefonuan, ata e dinë që unë punoj në Istiklal,” tha ai.
Stacioni lokal i policisë i tha agjencisë Reuters se të gjitha skuadrat ishin në vendngjarje, por nuk dhanë detaje të mëtejshme, raporton Zëri i Amerikës.
Mediat lokale thanë se hetuesit e krimit ishin në vendngjarje dhe agjencia Anadolu njoftoi se zyra e kryeprokurorit publik të Stambollit kishte nisur një hetim mbi shpërthimin. r.j
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
