Presidenti Volodymyr Zelensky tha se ushtria ukrainase ka rimarrë më shumë se 2,000 kilometra katrorë territor që nga fillimi i muajit.
“Në këtë kohë, në kuadër të veprimeve aktive që nga fillimi i shtatorit, rreth dy mijë kilometra nga territori ynë tashmë janë çliruar”, deklaroi Zelensky në fjalimin e tij të shtunën.
Presidenti ukrainas falënderoi gjithashtu ushtrinë ukrainase që u dallua në drejtimin e Kharkivit dhe atyre në Balakliya që rikthyen kontrollin e plotë në qytet ndërsa ushtria ruse ka deklaruar përqëndrimin e forcave në pjesën e Donjetskut.
Ukraina po ashtu ka mbyllur termocentralin bërthamor të Zaporizhzhia për arsye sigurie, sipas operatorit ukrainas për energjinë bërthamore, Energoatom.
Në një shënim të lëshuar në Telegram nga Energoatom bëhet me dije se procedurat për ftohjen e reaktorit të fundit që ende funksionon janë në progres.
Ky vendim është marrë për shkak të bombardimeve që po vazhdojnë rreth uzinës dhe pas shqetësimit të shprehur nga drejtori i përgjithshëm i IAEA, Rafael Grossi, i cili së fundmi vizitoi centralin së bashku me ekspertë të tjerë të agjencisë së energjisë të OKB-së.a.b
