Ish-Princi i Uellsit, Charles është trashëgimtari i fronit mbretëror të Britanisë së Madhe, pas ndarjes nga jeta të së ëmës, Elizabeth II në moshën 96-vjeçare.
Ai kaloi shtatë dekada si i pari në radhën për të marrë fronin dhe është trashëgimtari më jetëgjatë në historinë britanike.
Charles lindi në Buckingham Palace më 14 nëntor 1948, gjatë mbretërimit të gjyshit të tij George VI.
Ndryshe nga trashëgimtarët e mëparshëm të fronit që merrnin mësime nga mësues privatë, Mbretëresha dhe Princi Philip vendosën që djali i tyre i madh të shkonte në shkollë.
Ai theu traditën mbretërore kur shkoi menjëherë në universitet pas kalimit të provimeve të nivelit A në vend që të bashkohej me forcat e armatosura, shkruan Sky News.
Në vitin 1969, Charles mori zyrtarisht titullin, Princi i Uellsit. Charles u takua për herë të parë me Lady Diana Spencer në vitin 1977.
“Më kujtohet se mendoja se si 16-vjeçare ishte shumë e gëzuar, argëtuese dhe tërheqëse”, tha më vonë Charles për Dianën.
Çifti u marta në një ceremoni luksoze në Westminster Abbey më 29 korrik 1981, një ngjarje e ndjekur nga rreth 750 milionë njerëz në mbarë botën.
Në vitin 1982 erdhi në jetë fëmija i tyre i parë, William dhe dy vite më pas, lindi fëmija i dytë, Harry.
Një vit pas divorcit me Charles, Diana vdiq në një aksident automobilistik në Paris së bashku me partnerin e saj Dodi Fayed dhe shoferin Henri Paul.
Por problemet në martesën e çiftit u bënë shumë shpejt të dukshme. Diana e dinte që Charles dhe Camilla kishin një lidhje, të cilën e rrëfyeu në intervistën për Panorama në vitin 1995. Në vitin 1996, ata u divorcuan.
Marrëdhënia e përkeqësuar e Charles me Princin Harry ka qenë në qendër të vëmendjes vitet e fundit.
Harry e veçoi babanë e tij për kritikat gjatë intervistës të Dukës dhe Dukeshës pasi ai dhe bashkëshortja Meghan lanë detyrat e tyre mbretërore dhe u transferuan në Kaliforni.
Harry tha se ai ndihej “me të vërtetë i zhgënjyer” nga babai i tij dhe pretendoi se Charles nuk i kishte pranuar më telefonatat.
