Ndahet nga jeta aktori i njohur, të gjithë filmat ku pati rol

U nda nga jeta në moshën 73-vjeçare aktori i njohur i kinematografisë shqiptare, Pandi Siku, një aktor i suksesshëm i teatrit dhe filmit shqiptar.

Siku lindi me 28 Korrik 1949 ne Tirane ku ai u diplomua ne Institutin e Larte te Arteve në Tiranë ne degën e dramës dhe me pas në vitin 1973 ai u bashkua trupës se Teatrit Popullore (sot Teatri Kombetar) duke interpretuar mjaft role, kryesisht role te dyta.

Aktiviteti i tij do te shtrihet ne harkun kohor nga 1973 – 2001. Në teatër debutimin e ben ne dramën “Toka e jone” dhe “Bashke me agimin”.

Me pas mund te përmendim edhe shume shfaqje te tjera teatrale si: Adlinin ne “Lumi i vdekur” ; Halimi “Pas provimit te fundit”; Arjani ne “Jeta e tjetrit”; Shpendi ne “Epoka para gjyqit” (1978), Bardhi ne Furrnalta (1979), “Besa e madhe”; “Karavidhet”; Rrema ne “Komunistet” (1981), Merkusi ne “Romeo dhe Zhuljeta” ; Valentini ne “Dy zoterinj nga Verona” (1990), “Nata e 12-te; Lucencio ne “Zbutja e kryeneces”; Kostandini ne “Kush e solli Doruntinen” ; Rexhepi ne “Besa”; Pjestar i korit ne “Quoa vadis”; Amnekofi ne “Absurditeti antik” etj.

Edhe pse ka patur ne me te shumtën e rasteve role dytësore, Siku ka arritur të bjerë ne sy per interpretimin e tij duke fituar dy here nje çmim si “Aktori me i mire i roleve dytësore me interpretimet tek “Furrnalta” dhe “Quo Vadis” kete te fundit ne vitin 1997.

Në vitin 2001 ai u largua nga teatri dhe sebashku me familjen e tij u shpërngul në Shtetet e Bashkuara. në Illinois.

Filmat:
1971: Kur zbardhi një ditë
1973: Brazdat (Ademi)
1977: Njeriu me top (Adnan Pinxho)
1977: Një udhëtim i veshtire (Sokoli)
1978: Kur hidheshin themelet (Mani)
1979: Mysafiri
1984: Fushë e blerte, fushë e kuqe (Misto)
1984: Koha nuk pret (agjent sigurimi)
1987: Këmishët me dyllë (Koburja)
1988: Shpresa (Niko)
1988: Tre vetë kapërcejnë malin (Kico Zgurra)
1990: Fletë të bardha r. k

/DRONI.al/