Qeveria e Malit të Zi dhe kryeministri i saj shqiptar, Dritan Abazoviç, nënshkroi sot një marrëveshje që rregullon marrëdhëniet me Kishën Ortodokse Serbe, në një veprim që mund të çojë në rrëzimin e qeverisë së kryeministrit Dritan Abazoviq dhe ndërkohë ka lënë pa frymë komunitetin politik dhe intelektual në Podgoricë.
Marrëveshja u nënshkrua nga kryeministri Abazoviq dhe patriarku i Kishës Ortodokse Serbe, Porfirije, në një ceremoni të paparalajmëruar dhe pa praninë medieve në një vilë qeveritare në Podgoricë, e cila ishte vënë nën masa të rrepta sigurie, raportoi sot Zeri i Amerikës.
Marrëveshja bazë me Kishën Ortodokse Serbe, që nga momenti i publikimit, shkaktoi përplasje brenda koalicionit qeverisës. Një pjesë e mazhorancës qeverisëse, vlerësoi se marrëveshja është kundër interesave kombëtare të Malit të Zi, dhe nuk është në pajtim me kushtetutën dhe ligjet malazeze.
Edhe shoqëria civile dhe opinionistët e pavarur kishin vërejtje serioze për përmbajtjen e Marrëveshjes. Më 1 gusht, kryeministri Abazoviq refuzoi zyrtarisht të gjitha kundërshtimet e organizatave joqeveritare, Akademisë së Shkencave të Malit të Zi dhe institucioneve të tjera në vend.
Më herët Abazoviç është deklaruar pro Ballkanit të Hapur ndërsa shtoi kontaktet me kryeministrin e Shqipërisë Edi Rama dhe atë serb, Aleksandar Vucic.
Është e mundur që Edi Rama të ketë ndikuar këtë marrëveshje megjithatë nuk ka ndonjë fakt publik për këtë veç disa takimeve në Ohër gjatë takimit të rradhës së Ballkanit të Hapur.
Pas nënshkrimit të marrëveshjes partia shumicë e Gjukanoviçit ka kërkuar votëbesim dhe së shpejti pritet shkarkimi i tij. Qeveria e re pritet të anulojë marrëveshjen që për çudinë e Podgoricës nuk e bëri një malazes apo serb por një shqiptar.
Vetë Abazoviç e konsideron ditën e nënshkrimit si një ditë të gëzuar për të gjithë dhe si një marrëveshje fundamentale që shtyn vendin përpara.
Përveç përfaqësuesve të asaj partie, në konferencë kanë qenë të pranishëm edhe Draginja Vuksanoviç Stankoviç, deputete e Partisë Socialdemokrate (SDP).
Zhivkoviç tha iniciativa për votëbesimin e Abazovviç nuk vjen thjesht për shkak të marrëveshjes me Kishën serbe, por për shkak se kryeministri është sjellë si nnjë person të cilit nuk mund t’i besohet. r.j
