Një betejë e ashpër po zhvillohet për kryeqytetin e Ukrainës, Koev mes forcave ruse që kanë sulmuar që prej orëve të para të mëngjesit të së enjtes.
Me dhjetëra persona kanë mbetur të vdekur, shumë objekte janë shkatërruar, ndërsa edhe disa avionë e helikopterë nga të dyja palët janë rrëzuar.
Një avion luftarak ukrainas Sukhoi Su-27, është rrëzuar në orët e para të së premtes, sipas zëvendësministrit të Brendshëm të Ukrainës, Evgeny Yenin.
Dyshohet se pjesë të avionit kanë rënë mbi një shtëpi dykatëshe duke e shkatërruar pjesërisht atë.
Ditën e djeshme kanë humbur jetën 13 rojet e kufirit ukrainas të pozicionuar në një tokë shkëmbore të Detit të Zi të njohur si Ishulli i Gjarpërinjve.
Ushtria ruse e kishte rrethuar bazën ushtarake të Ukrainës të cilëve u bënë thirrje që të dorëzohen, por ata zgjodhën të qëndronin heroik duke dhënë jetën për atdheun e tyre.
“Kjo është një anije luftarake ruse”, u thanë pushtuesit me radio rojeve. “Unë ju propozoj të vendosni armët dhe të dorëzoheni për të shmangur gjakderdhjen dhe viktimat e panevojshme. Përndryshe, do të bombardoheni”
“Anije luftarake ruse, shko q*** me veten” u përgjigjën ukrainasit.
Më vonë gjatë ditës, presidenti ukrainas Volodymyr Zelenskyy konfirmoi se rojet kishin “vdiqën heroikisht” duke mbrojtur ishullin. Sipas raportit, rusët qëlluan në ishull nga anija dhe më pas goditën ishullin me “avion luftarak”.
“Në mbrëmje vonë, Shërbimi Kufitar Shtetëror raportoi se komunikimi me rojet kufitare…ka humbur”, thuhet në raport.
“Në ishullin tonë të gjarpërinjve, duke e mbrojtur atë deri në fund, të gjithë rojet kufitare vdiqën heroikisht” tha Zelenskyy. “Por ata nuk u dorëzuan. Të gjithëve do t’u jepet titulli Hero i Ukrainës pas vdekjes. I përjetshëm kujtimi për ata që dhanë jetën për Ukrainën”. r.j
