5 të arrestuar, mes tyre 4 shqiptarë dhe një pakestinezë ia dolën të arratiseshin nga qelitë ndërsa policia greke ka publikuar fotot e tyre.
Të arrestuarit kishin mbërritur në Hania mëngjesin e së shtunës, 5 shkurt.
Burime të pakonfirmuara thonë se të arrestuarit e arratisur kanë arritur të sharrojnë parmakët në dritaren e tualetit të paraburgimit.
Pesë të arrestuarit, katër me origjinë shqiptare dhe një me origjinë pakistaneze, ishin dënuar për krime si grabitje, vrasje dhe drogë.
Të arratisurit janë:
Një 34-vjeçar pakistanez, i dënuar me burgim të përjetshëm për tre vrasje.
Një 43-vjeçar shqiptar, i cili ishte anëtar i bandës së grabitësve të armatosur që “goditnin” shtëpitë në Atikë, i dënuar me burgim të përjetshëm.
Një 29-vjeçar dhe 34-vjeçar shqiptar të dënuar për trafik droge.
Po ashtu mes të arratisurve është edhe një 32-vjeçar shqiptar i dënuar për grabitje. a.b
