Sekretari i Përgjithshëm i PD, Gazment Bardhi tha sot se PD ka zyrë protokolli duke hedhur poshtë deklaratën e deputetit Edi Paloka se PD nuk ka protokoll.
Pyetje: Z. Paloka tha se nuk ka protokoll në PD.
Gazment Bardhi: Është gënjeshtër që PD nuk ka protokoll. Ju e dini si unë, që këtu protokollohet çdo shkresë. Shkresat tona kanë një numër protokolli.
Z. Paloka e di shumë mirë se ushtron funksione të larta.
Kryetari i Këshillit Kombëtar është një zyrtar i lartë i PD, nuk është roje kasaforte.
Në dt. 11 nuk ka Kuvend, por ka miting.
Kjo është e drejta e tyre, por Kuvend nuk ka.
Demokratët nuk dëgjohen duke i mbyllur në kasafortë, por duke e çuar zërin e tyre tek institucionet e partisë.
Në kasafortë mund të mbyllin hallet personale, por jo demokratët.
Demokratët kanë vetëm 1 hall: të rrëzojnë 1 orë e më parë regjimin e Edi Ramës.
Në vijim Sekretari i Përgjithshëm i Partisë Demokratike Gazment Bardhi publikoi eshe deklaratën e deputetit Flamur Noka për rregullat që duhen ndjekur për mbledhjen e Kuvendit. Në datën 29 Tetor, zoti Noka deklaroi se “firmat do të depozitohen në protokoll dhe më pas i takon kryetarit dhe Kryesisë të mbledhin Kuvendin.”
“Partia nuk është as kasafortë, as bunker. Ju lutem, depozitoni kërkesën në protokollin e PD, jepuni mundësinë institucioneve dhe të mbledhim Kuvendin. “- ishte ftesa e Gazment Bardhit, duke iu referuar qëndrimit Statutor të para pak ditëve të deputetit Flamur Noka. “Nëse dikush ka vendosur të veprojë si celulë apo ilegalitet, është i lirë të veprojë, por jo në emër të demokratëve dhe jo në emër të PD”- tha Gazment Bardhi. a.b
