Gjykata e Posaçme e Apelit ka vendosur të shtyje për të mërkurën vendimin për kërkesën e ish Prokurorit të Përgjithshëm Adriatik Llalla. Ai ka kërkuar të shtyhet arrestimi i tij për shkak të mjekimit në një vend të huaj.
Vendimi i Apelit:
Komunikohet në mënyrë të përmbledhur se, sot më datë 08.11.2021, në Gjykatën e Posaçme të Apelit për Korrupsionin dhe Krimin e Organizuar, u zhvillua seanca gjyqësore për çështjen me nr. 250 akti, datë regjistrimi 01.11.2021, mbi ankimin e të dënuarit A.Ll., me objekt: “1. Shtyrjen e ekzekutimit të vendimit nr. 40, datë 20.05.2021 të Gjykatës së Posaçme të Shkallës së Parë për Korrupsionin dhe Krimin e Organizuar, lënë në fuqi me vendimin nr. 24, datë 22.09.2021 të Gjykatës së Posaçme të Apelit për Korrupsionin dhe Krimin e Organizuar. 2. Pezullimin e ekzekutimit të vendimit nr. 40, datë 20.05.2021 të Gjykatës së Posaçme të Shkallës së Parë për Korrupsionin dhe Krimin e Organizuar, lënë në fuqi me vendimin nr. 24, datë 22.09.2021 të Gjykatës së Posaçme të Apelit për Korrupsionin dhe Krimin e Organizuar, deri në shqyrtimin e kërkesës.”
Në fillim të seancës, nga avokati mbrojtës u kërkua përjashtimi i trupit gjykues monokratik.
Gjykata pasi dëgjoi shkaqet e ankimit, shtyu shpalljen e vendimit për në datë 10.11.2021, ora 10:00, për arsye se paraprakisht nga gjyqtari i gjykatës së posaçme të apelit që do të caktohet me short, do të shqyrtohet kërkesa për përjashtimin e trupit gjykues.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
