Kryeministri Edi Rama ka komentuar sonte në një intervistë “foltoret” e ish-kryeministrit Sali Berisha.
Rama tha se nuk i ndjek foltoret e ish-kryeministrit, por shtoi se respekton Lulzim Bashën si kryetar të PD ndërsa këshilloi atë të komunikonte ndryshe dhe jo si Berisha në foltore.
“Nuk e ndjek dhe as nuk më duhet fare, kryetari i PD është Lulzim Basha dhe jam i detyruar që ta dëgjoj dhe e respektoj. Kur flet për llumin në PD, ai duhet të kujtojë se ai llum ka nxjerrë atë dhe sot duhet të tregojë, aty që nuk është pjesë e atij llumi, siç thotë ai, duke folur ndryshe, duke komunikuar ndryshe, duke mos përsëritur avazet e Foltores“,-tha Rama.
Ish kryeministri Berisha ka deklaruar se do të organizojë protesta të gjata kundër qeverisë pas kuvendit kombëtar të PD. m.k
