Kombëtarja shqiptare ka marrë një goditje tjetër nga FIFA duke u gjobitir dy herë.
Gjoba e parë është për dronin që u ngrit në ‘’Air Albania’’ në sfidën ndaj Hungarisë në 5 shtator ku shkruhej ‘’Taulant Balla, Elbasani ty të do’’.
Sipas FIFA ky ‘’veprim cenon sigurinë e ndeshjes dhe përfshin hedhjen e objekteve, ngritjen e dronëve apo përcjelljen e mesazheve jo të duhura për një ndeshje sportive”. Për këtë, FSHF-ja është gjobitur me 37500 franga.
Tjetra është gjoba prej 5 mijë frangash për shkak të tejkalimit të numrit të kartonëve në sfidën ndaj Polonisë që kuqezinjtë luajtën në transfertë në datën 2 shtator. Një lajm jo i mirë për FSHF-në që i kushton shumë pas rikthimit të tifozëve në stadiume pas më shumë se 1 viti.
