Zona e Bulqizës u godit këtë mëngjes nga një seri tërmetesh me magnitudë deri në 4.5 të Shkallës Rihter. Lëkundjet më të forta u ndjenë Fushë-Bulqizë, Shupenzë, Gjoricë, Zerqan e Ostren, në të cilat pati dëme në të paktën 16 banesa të vjetra.
Asnjë person nuk u lëndua, por lëkundjet shkaktuan panik tek qytetarët, disa prej të cilëve kanë lënë banesat e tyre nga frika.
Instituti i Gjeoshkencës ka regjistruar 5 lëkundjet më të forta nga ora 6 e 4 minuta deri në orën 8 e 9 minuta. Thellësia e tyre ishte mes 11 dhe 17 kilometrave. Specialistët e IGJEUM thonë se aktiviteti sizmik ka nisur prej mbrëmjes së të enjtes. Sizmologu Edmond Dushi thotë se në zonë ka ende aktivitet sizmik.
12 pasgoditje janë ndjerë në të njëjtën zonë, por me magnitudë të ulët.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
