Genci Koreta, 39 vjeç vrau xhaxhain e tij Jorgji Koreta, 64 vjeç dhe më pas qëlloi edhe veten për vdekje. Ngjarja e rëndë ndodhi në fshatin Mëkat në Vlorë dhe mësohet se ka ndodhur pas një konflikti për motive pronësia që nip e xhaxha kanë pasur prej kohësh. 39-vjeçari, autori i krimit të dyfishtë vuante edhe nga depresioni.
Një grua, e cila thotë se është edhe kushërira e dy viktimave, Jorgji dhe Genci Koreta tregon se kanë qenë ulërimat e nënës së 39-vjeçarit që kanë dhënë alarmin për krimin e rëndë.
“Kushërinj jemi, një fis. Dëgjuam ulërimat që po qante e ëma. Nuk kanë pasur konflikte. Ai ka qenë djalë…nuk e di çfarë të them. Ka qenë emigrant. Nuk di gjë për çfarë kanë debatuar. Dëgjova të ëmën që po qante dhe erdha. Ai ishte djali me të gjitha cilësitë, nuk ke çfarë t’i thuash. Ndërsa xhaxhai rri në Vlorë me shtëpi. Ai skuqej kur të fliste me gojë jo më të kishte debate. Nuk kanë pasur debate për çështje pronash. Ai një copë toke pronë ka sepse ai jeton në Vlorë. Nuk e di pse kishte ardhur këtu. Nuk dimë asgjë për armën. Ne dëgjuam ulërimat e të ëmës dhe erdhëm”, tregon gruaja.
Policia ka sekuestruara armën e gjahut me të cilën është kryer dhe krimi, ndërkohë që rrethanat nuk janë zbardhur ende.
Vlorë/Informacion paraprak:
Në fshatin Mekat, Vlorë, dyshohet se shtetasi G. K, ka vrarë me armë gjahu në banesë xhaxhain e tij, shtetasin J. K, dhe më pas ka vrarë veten.
Në vendngjarje është gjetur dhe sekuestruar në cilësinë e provës materiale arma e gjahut.
Grupi hetimor nën drejtimin e Prokurorisë së Rrethit Gjyqësor Vlorë vijon punën për sqarimin e plotë të rrethanave të ngjarjes.
