Kryeministri Edi Rama ka kryer emërime të reja në qeveri këtë të mërkurë. Enkelejda Muçaj është caktuar zv/ministre e Infrastrukturës dhe Energjisë. Më herët ajo ka mbajtur detyrën e Avokates së Përgjithshme të Shtetit, pozicion nga i cili u lirua në 28 qershor të këtij viti.
VENDIM PËR EMËRIM NË DETYRË
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Znj. Enkelejda Muçaj emërohet zëvendësministër i Infrastrukturës dhe Energjisë.
Ky vendim hyn në fuqi menjëherë.
K R Y E M I N I S T R I
EDI RAMA
