Shqipëria shënon fitoren e parë ndaj Hungarisë në Elbasan Arena ndërkohë që goli erdhi 3 minuta para përfundimot të ndeshjes.
Goli spektakolar u realizua nga Armando Broja, në triumfin 1-0 në “Elbasan Arena”. Një fitore mëse e merituar kjo për kuqezinjtë e Edi Rejës.
Kombëtarja shqiptare u shfaq dominuese në të dyja pjesët e lojës, teksa gjithçka u shpërblye në minutën e 87-të, kur Armando Broja, mposhti portierin kundërshtar me një gjuajtje me të djathtën.
Broja hyri në fushë në minutën e 78-të duke zënë vendin e Balajt, teksa vetëm 9 minuta i mjaftuan për të tundur rrjetën. Me këtë fitore Shqipëria u ngjit në kuotën e 9 pikëve, duke mbajtur përkohësisht vendin e dytë.
FT: SHQIPËRI – HUNGARI 1-0
Broja 87′
