Ish-Kryetarja e Komisionit te Medias Albana Vokshi reagon pas mbylljes te faqes me 2 milione ndjekes ne facebook “JOQ Albania”: Edi Rama po censuron e po sekuestron me radhë mediat që nuk i blen dot, deklaron Vokshi.
Portali kritik me qeverinë e Edi Ramës “JOQ Albania” njoftoi lexuesit se, Facebook i ka mbyllur faqen online me 2 milionë ndjekës pas ankesave të censorëve të qeverisë, sipas tyre.
“JOQ Albania” po përballet me sulmet seriale të qeverisë Rama, nga ndjekja penale e administratorëve të saj, te mbyllja e portalit dhe domainit vitin e shkuar. Censura ndaj këtij portali kritik me qeverinë Rama është denoncuar në dhjetëra raporte ndërkombëtare për lirinë e medias në Shqipëri.
Edi Rama po censuron e po sekuestron me radhë mediat që nuk i blen dot.
Me sulmin e radhës ndaj portalit “JOQ Albania” Kryeministri po teston censurimin zyrtar të medias para se të votojë në një nga dy seancat e ardhshme parlamentare ligjin për censurimin e mediave online”, deklaroi ish deputetja Albana Vokshi.
Edhe Droni.al solidarizohet me JOQ duke theksuar se rrjeti social Facebook po manipulohet nga qeveria dhe nje organizate e gjere trollls-ash te sponsorizuar prej saj duke bllokuar cdo lajm kritik perfshire edhe sponsorizimet e tyre. /DRONI.al/
