Ilir Kadia, i ati i Besart Kadisë ka reaguar për postin që ka marrë së fundmi djali i tij në qeverinë e Ramës si zv/ministër i Financave.
Ai shkruan se të gjithë kanë të drejtën e tyre të shprehen kundër këtij vendimi, por nuk mund ta shoqërojnë mendimin me fjalë fyese.
“Shumë miq Facebook-u mbajnë qëndrim kundër pranimit të detyrës së zëvëndës ministrit të financave në qeverinë Rama nga im bir!Janë në të drejtën e tyre! Mirëpo kur këtë qëndrim e shoqërojnë me fjalë fyese dhe të pavërteta të tjera atëhere nuk mund të jenë miq me mua! Kaq e thjeshtë është! Shëndet të kenë”, shkruan ai.
Emërimi i Kadisë në qeverinë Rama solli një lumë komentesh në rrjetet sociale, duke kundërshtuar vendimin e ekonomistit, i cili ka qenë pjesë e Këshillit Kombëtar të PD dhe një nga drejtuesit departamenteve, derisa u largua nga PD më 2019.
Ilir Kadia është gazetar i njohur që për shumë vite punoi për seksionin shqip të BBC ndërsa më herët ka punuar në disa media të Tiranës. Në mandatin e dytë të qeverisë Berisha ai ishte këshilltar i këtij të fundit për marrëdhëniet me publikun. /DRONI.al/
