Nga 3.421 vendvotime të përpunuara nga gjithsej 3.480 fitues në këto zgjedhje del të jetë koalicioni “Mundemi” udhëhequr nga LSDM, edhe atë me 46 deputet. Menjëherë pas kësaj pason VMRO-DPMNE me 44 deputet, ndërkaq te partitë shqiptare gjithashtu dallimi është i ngushtë.
Rezultati i zgjedhjeve të parakohshme parlamentare nuk është se ka ndryshuar shumë nga ai i djeshmi. Përkthyer në mandate, përjashtuar 59 vendvotimet ku votat ende nuk janë përpunuar, rezultati është si vijon:
- Koalicioni “Mundemi” udhëhequr nga LSDM – 46 mandate.
- Koalicioni “Ripërtrirje” udhëhequr nga VMRO-DPMNE – 44 mandate.
- Bashkimi Demokratik për Integrim (BDI) – 15 mandate.
- Koalicioni “Tash është koha” ASH+AA – 12 mandate.
- E majta – 2 mandata.
- Partia Demokratike Shqiptare (PDSH) – 1 mandat.
Këto janë partitë e vetme të cilat fituan ulëse në kuvend, ndërkaq nëntë partitë tjera për shkak se numrin e votave e kishin shumë të vogël, nuk arritën të marrin asnjë mandat deputeti.
Ndërkaq numri i votave për këto parti politike, është si vijon:
- Koalicioni “Mundemi” në krye me LSDM – 324.084 ose 36% të votave.
- Koalicioni “Ripërtrirje” në krye me VMRO-DPMNE- 312.745 ose 34.85% të votave.
- Bashkimi Demokratik për Integrim (BDI) – 101.432 ose 11.3% të votave.
- Koalicioni “Tash është koha” ASH+AA – 76.425 ose 8.57% të votave.
- E Majta- 37.057 ose 4.16% të votave.
- Partia Demokratike Shqiptare (PDSH) – 13.553 ose 1.52% të votave.
Ndryshe, nga gjithsej 927.640 qytetarë që kanë votuar, numri i fletëve të vlefshme është 869.533, edhe atë ka pasur gjithsej 31.107 fletëvotime të pavlefshme në zgjedhjet e djeshme parlamentare, gjithmonë duke bërë përllogaritë sipas 3.421 nga 3.480 vendvotimeve të përpunuara.
“Dita e zgjedhjeve kaloi në atmosferë të qetë, korrekte dhe demokratike, pa parregullsi të mëdha”, vlerësuan mbrëmë kompetentët pas mbylljes së vendvotimeve.
Ndryshe, këto zgjedhje zgjatën 3 ditë për shkak të pandemisë me virusin korona, ku ditën e parë votuan personat e prekur nga Covid 19 dhe ata në izolim, ditën e dytë personat në shtëpitë ndëshkuese-korrektuese dhe dje dita finale e votimit.Portalb.mk
