Me heqjen e kufizimeve të marra për të menaxhuar krizën e koronavirusit, në vendin tonë është vënë re një rritje drastike e numrit të të infektuarve me Covid-19.
Për të folur më tepër rreth kësaj “bashkëjetese” me virusin, i ftuar në studion e “Byro Politike” këtë të mërkurë ishte edhe mjeku imunolog Genc Sulcebe.
Mjeku shpjegoi si fillim se në vendin tonë virusi si fillim qarkulloi shumë pak, kjo pasi patëm një shtetrrethim si fillim dhe më pas u vendosën edhe kufizimet e tjera.
Sipas Sulcebesë, rritja e numrit të të infektuarve në këtë periudhë është një gjë e pritshme.
Genc Sulcebe: “Te ne virusi ka qarkulluar shumë pak. Ne patëm një shtetrrethim, patëm një hapje të shpejtë dhe e patëm në mënyrë të natyrshme. Shumica e popullatës ka qenë e paprekur nga virusi..Në një studim pilot që bëmë, nga 128 virus vetëm një ka dalë pozitiv, tani virusi po qarkullon po imunizon popullatet. Mbi 95 për qind e popullatës nuk ka krijuar antitrupa.”
“Kjo rritje e sëmundshmërisë është e pritshme, mendoj se do rritet, faza 10 javore e shpërndarjes së virusit, nga mesi i korrikut do të ulët,” shtoi më tej mjeku.
Sulcebe u shpreh po ashtu se në këtë periudhë mund të jemi afër pikut, ndërsa pritet që me rritjen e temperaturave të ulet edhe transmetueshmëria si dhe ulja e agresivitetit të virusit.
Sa i përket imunitetit që fitohet me kalimin e Covid-19, mjeku shpjegon:
“Imuniteti është i panjohur akoma. Nuk ka as 6 muaj që po ndodh. Koronaviruset e tjerë janë të zbutur dhe qarkullojnë çdo vit, japin një gjendje imunitare jo shumë të madhe. Pas 1 viti mund të të sëmurin por me simptomat janë shumë të dobëta. Këta dy të rinjtë janë më të egër, japin një gjendje imunitare më të zgjatur. Ka pasur raste që kanë pasur edhe 1 ndër 6 vite. Imuniteti zgjat të paktën 1 vit.”
Ndërsa, sa i përket të dhënave të zbuluara nga një studim i bërë në Kinë rreth imunitetit që fitohet pas kalimit të sëmundjes, mjeku shpjegon se sa më e rëndë të jetë sëmundja aq më e fortë është edhe përgjigja e sistemit imunitar.
Sipas këtij studimi, tek pacientët që kanë kaluar Covid-19, u vu re zbehje e antitrupave pas dy deri në tre muaj.abcnews
