Nga: Reila Bozdo.
Do të jetë një vit i vështirë për ekonominë. Një vit në të cilin duhet të drejtojnë mendjet e kombit, të ndershmit, dhe ata që të parin kanë njeriun dhe interesin publik.
Nuk kemi nevojë për panik dhe as për spektakël. Kemi nevojë për një qeveri me njerëz tek të cilët kemi besim se do të bëjnë më të mirën për ne. Nuk kemi shëndet ekonomik për të mbajtur në kurriz as spekulantët, as hajdutët, as parazitët.
Duam një qeveri që na jep SIGURI. Duke patur siguri, kemi besim dhe duke patur besim, e kemi të paktën një instrument të rëndësishëm të ndezim motorin e ekonomisë. E dimë si funksionojnë njerëzit, konsumatorët, tregjet.
Një qeveri që ofron siguri mendoj se është hapi tjetër i domosdoshëm pas menaxhimit të krizës shëndetësore dhe për këtë politika duhet të jetë mendjehapur dhe zemërgjerë dhe të krijojë një platformë sipas të cilës njeriu është i pari.
