Ish deputetja e PD Albana Vokshi publikon nje video te policisë spanjolle duke kenduar për fëmijët në karantinë. Na duhet një kryeministër normal, jo një polic sadist që frymëzon dhunë, thote ajo.
Postimi i Vokshit:
Këngë për fëmijët, jo dhunë me shkop gome. 😍 Shikoni si ndryshon si nata me ditën policia algjeriane që Edi Rama e promovon për dhunën kundër qytetarëve 👎 me policinë europiane të një vendi demokratik si Spanja.
Policë që këndojnë dhe argëtojnë në distancë fëmijët. Video është e datës 17 Mars në një rajon të Spanjës së izoluar prej koronavirusit. Duke konsideruar argëtimin e fëmijëve në karantinë si shërbim për komunitetin, mesazhi i policisë spanjolle është frymëzues:
“Ky është gjithashtu një shërbim për qytetarin. Oficerët e policisë @PolprAlmeria janë gjithmonë duke u kujdesur për më të voglin e shtëpisë. Kjo është @policia juaj ”, kanë shkruar ata në Twitter. ❤
Shqiptarët nuk kanë nevojë të dëgjojnë 3 herë në ditë nga kryeministri fjalime me kërcënime, me dhunë dhe mallkime.
😷 Si njeri me dy fytyra, Edi Rama paguan për një ditë 22 milionë për 4 ndërtues, por akoma nuk ka lëshuar asnjë qindarkë për pagat e qytetarëve që po rrinë të detyruar në shtëpi, për bizneset e mbyllura, për shëndetësinë e dobësuar akoma më shumë nga koncesionet e tij korruptive.
Kjo kohë e vështirë na ka treguar se ne, më shumë se kurrë, nuk kemi nevojë për një polic sadist në krye të qeverisë, por për një kryeministër normal, që qetëson qytetarët, i inkurajon ata, nuk i përçan, por i bashkon.
https://www.facebook.com/559294428/posts/10158277286454429/?d=n
https://www.facebook.com/ylli.dylgjeri/videos/10216885916721270/
