“Donacionet te sherbejne per njerezit ne nevoje nga termeti”

Të gjitha donacionet ndërkombëtare për popullin shqiptar për dëmet e pas tërmetit të 26 nëntorit janë të bekuara dhe të mirëpritura, deklaroi sot kreu i PD, Lulzim Basha fill pas konferences nderkombetare te donatoreve.

Falenderime dhe mirënjohje për çdo vend, çdo organizatë dhe çdo institucion ndërkombëtar që i gjendet pranë qytetarëve shqiptarë në këtë moment të vështirë, th ai.

Detyra jonë është të bëjmë gjithçka që këto kontribute të shërbejnë vërtet për ndihmë ndaj njerëzve në nevojë.

Është e rëndësishme që të nisë menjëherë puna dhe fondet të përdoren me përgjegjshmëri dhe transparencë për të ndalur  keqpërdorimin dhe abuzimin me to, perfundon deklaraten e tij Lulzim Basha.

Edhe Eno Bozdo pershendeti donacionet nderkombetare per termetin duke kerkuar perdorimin eficent te tyre.

Deklarata e Eno Bozdo:

1.2 miliardë euro u premtuan për Shqipërinë sot në Bruksel. 400 milionë euro vetëm nga ana e BE-së.
Kjo është prova që miqtë e Shqipërisë, veçanërisht vendet e BE-së, na u gjëndën në ditën tonë më të vështirë. Një falenderim dhe mirënjohje nga zemra për ta.
Por sot doli në pah diçka edhe më e rëndësishme. U vërtetua se kundër Shqipërisë nuk ka asnjë komplot apo projekt konspirativ. Përkundrazi.
Me pak fjalë, kur nuk na i hapin negociatat, kur flasin për krimin e organizuar, mafian, korrupsionin etj, këtë e bëjnë jo se janë kundër shqiptarëve, por pikërisht se e duan Shqipërinë dhe shqiptarët!
Dhe dy fjalë për Ramën: mos u emociono më shumë nga ç’duhet. Mos fillo të luash teatër për të treguar se sa shumë të do ty BE. Sepse as të do dhe as të beson. Ndryshe sot Shqipëria do të ishte vetëm një hap larg BE. Por është me qindra kilometra larg. Jemi të fundit kudo dhe përgjegjësia për këtë është e jotja personalisht.
Sot Brukseli foli për Shqipërinë, dhe jo për ty. Sot ndihemi të gjithë më mirë se miqtë e vërtetë nuk na braktisën, megjithëse ti ke bërë çmos për të kundërtën. Prandaj më mirë hesht sot. Të paktën në qoftë se të ka mbetur sadopak dinjitet!

/DRONI.al/