Qeveria greke pritet të prezantojë një projektligj që skualifikon nga pensioni shtetëror personat që nuk kanë qenë rezident në Greqi për 40 vite.
Njoftimi u dha nga gazeta ‘Kathimerini’, nderkohe qe eshte e sigurte se projektligji që do të prezantohet nga Ministria e Punës do të prekë minoritarët grekë nga Shqipëria që paguajnë sigurime shoqërore.
Grekët etnikë zhvilluan edhe një protestë në qendër të Athinës duke kërkuar pensione të barabarta.
Lajmi për amendamentin u publikua pasi këngëtari dhe lideri i grupit muzikor Melisses, Christos Mastoras, që ka lindur në një fshat te minoritetit grek në jug të Shqipërisë, doli kundër qeverisë.
Ndërkohë që kryeministri grek Kyriakos Mitsotakis e ka telefonuar këngëtarin të enjten për t’a informuar për ndryshimet në projektligj.
Me këtë vendim duket shumë e largët dita që Greqia të njohë vitet e punës për emigrantët shqiptarë që kanë punuar në vendin fqinj.
