Një ngjarje e përmasave të pazakonta ka ndodhur pak ditë më parë në Tiranë. Thuhet se në kete ngjarje është përfshirë makina e një gjyqtari si edhe një grup hajdutësh.
Sipas ABC News, një grup hajdutësh kanë vjedhur makinën e një gjyqtari në Tiranë pak netë më parë. Por, qëllimi i vjedhjes nuk ka qenë makina, por përdorimi i saj në një ngjarje kriminale që ka ndodhur në qytet.
Abc News vazhdon shkruan se pasi kanë përfunduar “punë” hajdutët e kanë kthyer makinën sërish në vendin ku e morën duke shënuar kështu një skenar të paparë deri më tani të këtij lloji.
Gjyqtari e ka marrë vesh se i kishin vjedhur makinën vetëm pasi policia ia behu në shtëpi duke kryer aty edhe një kontroll pa një vendim gjykate.
Kontrolli në fjalë është kryer duke marrë në konsideratë ndryshimet e fundit ligjore për prokurorët dhe gjyqtarët, një pjesë të të cilëve kryeministri Rama i quajti grupi “Kap Ç’të Kapësh”.
