Disa ditë pas atentatit mafioz ndaj prokurorit Arjan Ndoja, një pamje krejtësisht e pazakontë është regjistruar ditën e sotme pikërisht në vendin e ngjarjes kriminale.
Disa persona, mes tyre edhe një fëmijë, kanë bërë kurban një dash, siç shihet edhe në fotot e sjella nga DurrësiLajm.al.
Në besimin mysliman, kur një person vendos që të therë një kafshë për hir të Zotit që ka arritur një qëllim ose ka shpëtuar nga diçka e keqe, çka do të lë për të nënkuptuar se ky veprim kurrsesi nuk është i rastësishëm. Mendohet të jenë familjarë të prokurorit të Durrësit ose të Landi Muharremit, të fortit të Sukthit, të cilët i shpëtuan “paq” atentatit të dy javë më parë.
Nga ky atentat, shënjestër të të cilit policia konfirmoi se ishte pikërisht Ndoja, humbi jetën shoferi i tij, Andi Maloku. Lidhur me këtë ngjarje i arrestuari i vetëm është Redjan Rraja.
//DRONI.al/
