Kryeministri Edi Rama ditën e sotme zhvilloi një mbledhje urgjente në Shkodër, ku mësohet se PS-ja në Shkodër ka shkrirë të gjitha strukturat, pas ankesave të shumë anëtarëve për katapultimin e personave jashtë partisë.
Disa nga drejtorët rajonalë ende nuk janë emëruar, pasi dega e PS-së nuk pranon që të vendosen emra nga qytete të tjera.
Kryeministri u shpreh se në emërime do të ketë një proporcionalitet mes grave dhe burrave, duke rritur prezencën e grave.
Lidhur me keto ngjarje të fundit, ka reaguar selia e PD në Shkodër, e cila shprehet se Shkodra po perjeton përdhosjen nga kryeministri, duke lënë prej dy muajsh pa drejtorë rajonalë.
PD bën dhe akuzën e fortë se kjo vonesë vjen pasi PS nuk ka bere ende ujdinë me bandat per te ndarë pushtetin.
DEKLARATË E PARTISË DEMOKRATIKE, DEGA SHKODËR
Është e turpshme dhe e dënueshme përdhosja që po i bën Edi Rama qytetit të Shkodrës.
Pasi i turpëroi socialistët e Shkodrës duke i kandiduar për Kryetar Bashkie, pa i pyetur, një trafikant droge të dënuar në Itali, Edi Rama ka rreth 2 muaj që ka lënë Shkodrën pa drejtorë rajonal, sepse pret që bandat të bien në ujdi për të ndarë pushtetin.
Nuk ka rëndësi për Edi Ramën se çfarë mendojnë qytetarët e Shkodrës.
Nuk ka rëndësi për Edi Ramën se çfarë mendojnë socialistët e ndershëm të Shkodrës.
Nuk ka rëndësi për Edi Ramën që Shkodra ka djemë dhe vajza të talentuar, të arsimuar mirë dhe të aftë për të drejtuar administratën publike lokale.
Për të ruajtur pushtetin e tij personal, për Edi Ramën ka rëndësi vetëm vazhdimi i marrëveshjes së bashkëqeverisjes me krimin e organizuar në Shkodër.
Shkodra nuk ka për t’ia falur këtë! Edi Rama duhet të mësojë se me Shkodrën as nuk mund të tallet dhe as nuk mund të luajë!
Partia Demokratike Dega Shkodër i bën thirrje qytetarëve të Shkodrës, pa asnjë dallim politik, të përbuzin këtë model qeverisjeje, ta refuzojnë fuqimisht tentativën e Edi Ramës për të veshur me pushtet krimin në Shkodrën e kulturës dhe dijes.
Shqipëria dhe Shkodra ka vetëm një rrugë!
Të ndahen nga krimi, të refuzojnë të keqen, dhe të punojmë bashkarisht për Shqipërinë si gjithë Europa!#partiademokratikeShkodër #pd
KB/DRONI.al
