Një karburant mori flakë nga shpërthimi i gazit, ku mbetën të plagosur disa persona. Ngjarja ndodhi në Lezhë, ndersa karburantit iu bllokua aktiviteti.
Gjithsesi, pas kesaj historie te firkshme, ka dhe një aspekt pozitiv. Ai që mbeti i plagosur me rëndë, nxori nga makina dy fëmijët që ishin mes 7 të plagosurve.
Nikolin Prenga, shpëtoi dy fëmijët e çiftit që ndodheshin në makinën që po furnizohej me gaz në kohën e shpërthimit. Ndaj siç i ka thënë të atit nga spitali ku ndodhet në gjendje të rëndë, nuk është pishman edhe sikur ti kushtojë jetën. 40-vjeçari pësoi djegie në 40 % të trupi dhe ndodhet i shtruar në Qendrën Universitare “Nënë Tereza” në gjendje të rëndë.
Nikolin Prenga: Edhe po të vdes nuk jam në merak se kam shpëtuar dy fëmijë, i kam nxjerrë nga makina dhe i kam larguar.
Në gjendje të rëndë mbetet në spital mbetet edhe Bardhok Bushati që ndodhej në makinën që shpërtheu në flakë ndërsa po furnizohej.
Dyshimet janë se shkak për shpërthimin u bë një defekt në sistemin e gazit dhe një shkëndije e shkaktuar nga ndezja e gjeneratorit pas ndërprerjes së enegjisë.
Ngjarja e rëndë nga ana tjetër vuri në dyshim sigurinë e karburanteve të inspektuara nga Inspektoriati Shtetëror Teknik dhe Industrial, një institucion nën varësi të ministres Belinda Balluku që e kishte certifikuar vetëm katër muaj më parë.
