Një infermiere ka kaluar krizë nervore nga tronditja e madhe pasi gjeti burrin e saj te vdekur, ne vend te pacientit tjeter qe mendoi se duhet te kujdesej.
Mesditën e së hënës, Onurcan Çelebi humbi kontrollin e mjetit dhe u përplas me një shtyllë elektrike në anë të një rruge në Aksaray të Turqisë. Nga përplasja e fortë 30-vjeçari humbi jetën menjëherë në vendin e ngjarjes, ndërsa i plagosur mbeti nipi i tij 9-vjeçar.
I mituri u dërgua menjëherë me ambulancë në Spitalin e Aksarayt, ku punon si infermiere bashkëshortja e Onurcan Çelebi, Necla. Me të mësuar për aksidentin, ajo u nis për në vendngjarje, ku edhe gjeti bashkëshortin të pajetë.
“Më ktheni bashkëshortin ose më vrisni edhe mua”, u tha Necla shokëve të saj të ekipit të urgjencës pasi nga tronditja e madhe kaloi në krizë nervore. Sipas agjencisë së lajmeve “DHA”, mjekët i dhanë disa qetësues dhe e dërguan të renë në spital me ambulancë.
