Sot ndeshen në Beograd, në stadiumin “Ylli i Kuq”, përfaqësueset e Serbisë dhe Kroacisë. Prej dy ditësh, para stadiumit është vendosur një tank serb, i cili ka sjellë reagime të forta dhe pakënaqësira.
Duke iu referuar këtij rasti, ish-kryeministri Berisha ka reaguar se fundmi, duke e denuar si akt. Sipas tij, vendosja para stadiumit e këtij tanku, simbol i barbarive serbe në Vukovar, është bërë me miratim dhe urdhër të Presidentit të Serbisë dhe serbomadhisë Vuçiç, mikut të ngushtë të Zografit Bis, njëherazi Komandant i Përgjithshëm i Forcave të Armatosura të Serbisë. Berisha shkruan se ky është një provokacion shumë i rëndë, i turpshëm, luftënxitës dhe i pashembullt në historinë e sportit botëror.
Ish-kryeministri ka publikuar dhe pamjet qe mberrijne ne profilin e tij ne Facebook, duke i kerkuar UEFA-s të ndërhyjë.
“Kjo eshte video e operacionit te vendosjes para stadiumit Ylli i Kuq ne prag te ndeshjes Kroaci – Serbi e tankut qe ka vrare qindra civile kroat te pa armatosur ne masakren serbe te Vukovarit! Edhe njehere i bej thirrje UEFA-s te ndeshkoje ne menyre shembullore Serbine dhe ekipin e saj per aktin luftenxites, primitiv te pashembullt ne historine e sportit ne bote! sb”,-mbyll postimin Berisha.
https://www.facebook.com/SaliBerisha/videos/2443036909095860/
