Zbardhet debati midis viktimës dhe autorit të dyshuar gjatë dëshmisë që u dha sot në gjykatëne Tiranës përgjatë seancës së masës së sigurisë për perosnat e arrestuar në lidhje me vrasjen e teknikut të kondicionerëve, Indrit Cela.
Ngjarja ka ndodhur në një prej tualeteve në katin e parë të vilës 3-katëshe që ndodhet tek rruga Myslim Shyri në afërsi të qendrës së Tiranës.
Biseda në momentin e vrasjes:
Griseldo dëgjon zhurmën e trapanit dhe lëviz nervoz nëpër shtëpi. Shkon aty nga vinte zhurma. I afrohet Indritit që kishte trapanin në dorë.
Po këtu çfarë bëhet? Përse e hap atë vrimë aty? Ku do shkarkohet uji i kondicionerëve?
S’e di unë ku do jetë shkarkimi.
Kur se di ti, nga do ta di unë?
I nervozuar nxjerr armën nga brezi dhe e qëllon në kokë, merr gëzhojën dhe largohet me nxitim, mbante në dorë një çantë.
Gjykata e Tiranës caktoi sot masën e sigurisë “arrest me burg” për tre nga katër të arrestuarit në lidhje me vrasjen e teknikut të kondicionerëve, Indrit Çelës.
Është caktuar masa “arrest me burg” për pronarin e shtëpisë ku ndodhi ngjarja, Bujar Kusin si dhe për dy të tjerët Ferdinand Bakallin e Ali Sulën, ndërsa për Luan Çakën, gjykata dha masën ‘arrest në shtëpi’.
Pronari i shtëpisë ku ndodhi ngjarja, Bujar Kusi, akuzohet për ‘pengim të zbardhjes të së vërtetës’, ndërsa tre të tjerët për moskallëzim krimi. Djemtë e tij Albano dhe Griseldo Kusi janë në kërkim nga Policia pasi akuzohen për vrasjen e të riut nga Mallakastra.
Ai u qëllua me plumb në kokë gjatë kohës që po punonte te vila e vëllezërve Kusi, ndërsa disa orë pas ngjarjes, Indrit Çela ndërroi jetë në spitalin e Traumës.
