Trupi i pajetë i 23-vjeçarit Florian Selimi u gjend sot nga banorët e zonës, në fshatin Sulaj të Fierit.
Selimi ishte banues në Sulaj, familja e të cilit ishte shpërngulur disa vite më parë nga Tropoja. Sipas policisë 23-vjeçari është qëlluar disa herë me thikë, pas një konflikti, dhe më pas është hedhur në kanal. Familja e të riut nuk njihej si problematike në zonë, dhe ishin të vetëpunësuar.
Burime bëjnë me dije se Selimi është me precedent penal, pasi është arrestuar në vitin 2015 për vjedhjen dhe djegien e një makine. Nuk dihet ende nëse kjo ngjarje lidhet me arrestimin e tij nga policia katër vite më parë.
