Kryeministri Edi Rama këtë sezon vere është treguar i ashpër dhe pasojat për krizën ekonomike në vend, po ua nxjerr bizneseve duke i goditur fort në mes të sezonit. Këtë herë ai i ka paralajmëruar ata që thyejnë ligjin.
Përmes një postimi në ‘Facebook’ kreu i qeverisë shqiptare pohoi se kush sfidon shtetin do të përballet me Policinë e Shtetit.
“Zaptuesit e plazheve po përballen kudo me Policinë e Shtetit, por Ligji i Ri për vijën bregdetare do të sigurojë që ata të mos guxojnë ta sfidojnë më qytetarin dhe shtetin🤝👊”, shkruan Rama.
Kujtojmë se sot u vunë në dispozicion të pushuesve rreth 4500 m2 plazh, pronë publike, të zaptuar në mënyrë të kundërligjshme nga 6 subjekte në Velipojë dhe Shëngjin, ndërsa prej dy javesh ka ndermarre dhe një aksion për të mbyllur bizneset, që sipas Ramës janë duke shkelur ligjet dhe nuk perdorin kuponat tatimorë.
