Ministrja e Mbrojtjes, Olta Xhaçka reagoi sonte në lidhje me akuzat e bëra nga kreu i Partisë Demokratike, Lulzim Basha sipas te cilit ushtria ka shpërndarë para në Dibër në mënyrë që qytetarët të votojnë më 30 qershor.
Xhaçka nuk hodhi poshte akuzen por tha se Basha do të japë shpjegime para gjykatës, duke lënë të kuptohet se do të padisë Bashën për akuzat që hodhi ndaj saj.
“Që Lulzim Basha nuk i mendon e as i kupton pasojat e veprimeve që bën, këtë e mësuam të gjithë, ditën që dogji mandatet dhe e la PD rrugëve. Por, le ta mesojë që veprimet kanë kosto, shpifjet kanë një cmim, kur të shkojë përpara gjykatës për të sqaruar llumin që nxjerr nga goja.
Dhe, sa për zëdhësin lokal të Lulit, gjeneralin e famshëm Gjunkshi, atë e njeh e gjithë Dibra se kush është, nuk ka nevojë të themi ne asnjë fjalë.
Madje, e njeh e gjithë bota, se ia ka dalë të shfaqet dhe në Wikileaks me bëmat e tij. Njerëzit që ka marrë në qafë e mallkojnë përditë.
Asnjë minutë kohë për të humbur me personazhe si këta. E gjithë energjia vetëm me qytetarët dhe për qytetarët. 30 Qershori dita e Shqipërisë që duam për fëmijët tanë”,-shprehet Xhaçka.
Po ashtu lidhur me akuzat e ngritura nga PD ka reaguar dhe Policia e Shtetit.
Përmes një reagimi Policia e shtetit shprehet se akuzat e ngritura nga ish-deputetit të PD, Xhemal Gjunkshi janë shpifje.
Në reagimin e policisë, thuhet se Gjunkshi do të japi shpjegime me këto akuza në Gjykatë.
Reagim i Policisë së Shtetit
Lidhur me deklarimin e sotëm publik të ish-deputetit të PD, Xhemal Gjunkshi, ku aludon se Policia e Dibrës ka shpërndarë armë në qytet, sqarojmë se:
Kjo deklaratë është krejtësisht një shpifje e ulët dhe plotësisht e fabrikuar. Policia e Shtetit e hedh poshtë me përbuzje një deklarim të tillë, që në fakt të vetmin reagim që meriton është padia ndaj deklaruesit Gjunkshi në gjykatë. Aty ai do të duhet që përpara ligjit të sqarojë motivet e kësaj insinuate të ulët. Policia e Shtetit gjen rastin të garantojë qytetarët se është në krye të detyrës dhe e angazhuar për mbarëvajtjen e procesit zgjedhor dhe sigurinë e tyre në tërësi. Për çdo informacion që disponon, çdokush mund të denoncojë në kushte anonimati në numrin unik 112 ose numrin falas të SHÇBA, 0800 90 90.
Pd paraqiti dokumenta ne lidhje me skandalin e e konstatuar ne Diber.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
