Ne pergjimet 12 dhe 13 te publikuar nga ‘BILD’ është kapur Kreu i Drejtorisë Arsimore të Dibrës, Drini Gjeçi, i cili telefonin drejtorin e Shkollës së Reçit, Reshat Elezaj pasi ia kërkoi Pjerin Ndreu.
Duke zbatuar urdhrat e Ndreut, Gjeçi e kërcënon Elezajn duke i thënë se duhet të votojë haptas në qendrën e votimit për PS ai dhe familja, ndryshe duhet të kërkojë për një punë tjeter.
Ndërkohë, nën kërcënim, Elezaj i thotë se do ta bëjë siç i thonë socialistët.
Përgjimi 12
Drini Gjeci Drejtor Rajonal i Arsimit në Dibër në bisedë me drejtorin e Shkollës Reç, Reshat Elezi. Ku i kërkon këtij të fundit të deklarojë hapur votën e tij dhe të familjes, pasi i ka rënë në vesh që kërkon ta dredhë.
Reshat Elezi: Alo, mirëmgjes drejtor
Drini Gjeci: Mirëmgjes. Si kalove? Je mirë?
Reshat Elezi: Çkemi, mirë, a u lodhe?
Drini Gjeci: Mirë. Ku je?
Reshat Elezi: Jam këtu te qëndra e votimit
Drini Gjeci: Po a i ke marrë të gjithë ata të familjes?
Reshat Elezi: Të shtëpisë? Jo, sjanë tu ardh me votu tani. Ma vonë shkoj i marr, ma vonë, ma vonë
Drini Gjeci: Dëgjo këtu
Reshat Elezi: Se tani jam në rrugë….
Drini Gjeci: Në ça qendre voto ti?
Drejtori i Shkollës: Në Zall Reç
Drini Gjeçi: Dëgjo se kam informacione jo të mira unë andej. Sot vota jote 1 dhe vota e familjes tënde 2 do deklarohen haptas. Nuk ke deklaruar votë haptas sot bashke me familjem, gjeje ku do shkosh
Reshat Elezi: Drejtor mos e vrit mendjen, Mos e vrit mendjen. Se dua me thënë për inat. Janë llafe njerëzish dhe mos e vrit mendjen, për atë punë fare ti
Drini Gjeçi: Ore të deklrarohet haptas, haptas, po them haptas. haptas
Reshat Elezi: Ore mos e vrit mendjen , pa merak
Drini Gjeçi: Me gjithë familjen
Drejtori i shkollës: Pa merak, pa merak…..
Përgjimi numër 13
Drejtori i Arsimit në Dibër Drini Gjeçi telefonon shtetasin Lavdrim Murati.
Gjeçi: Alo. Lavdrim Murati?
Murati: Po.
Gjeci: Drejtori i Arsimit të flet.
Murati: Urdhro.
Gjeci: A ke votuar?
Murati: Jo akoma.
Gjeci: Po pse more Lavdrim nuk ke votuar akoma?
Murati: Nuk kam votuar se të lirohet një herë radha.
Gjeci: Çfarë radhe?
Murati: Radha or ti.
Gjeci: Lavdrim të mos kemi llafe, votat i dua haptaz atje. Mos të kemi llafe më.
Murati: Ça flet o Drejtor?
Gjeci: Mos të pres më tej. Vota sa ke ti dua.
Murati: Më vjen keq.Të paskan sinjalizuar gabim.
Gjeci: Këtë llaf po të them.Ti e di vetë.
Murati: Në rregull.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
