Janë publikuar pamjet e brendshme të tunelit ku u fshehën personat që grabitën rreth 10 milionë euro si dhe u gjet një nga makinat e grabitjes e djegur plotësisht.
Gazetari i kronikës, Arsen Rrusta thotë se ndërkohë që janë gjetur gjurmë ende të painventarizuara nga policia, nuk kanë parë të ketë gjurmë të parave të djegura. Një natë më parë ministri i Brendshëm Sander Lleshaj tha se paratë edhe mund të jenë djegur duke nxitur një reagim të fortë. Ish-Kryeministri Berisha tha se një deklaratë e tillë është konfirmim se paratë tashmë janë gjetur dhe se vjedhja lidhet me fushatën elektorale.
“Tuneli ne te cilin u ndane plot 10 milion euro sipas medias!
Sipas shtetit ende jo nje shifer zyrtare, por diku mbi 5 mil euro sipas MB.
Aty u gjet skeleti i nje mjeti te djeguar, jo hiri i parave te djegura.
Aty u harruan shume prova pa u ekzaminuar, nje dorez u mor me 48 ore vones edhe pse 99% sish e autoreve te grabitjes por e nje ngjarje kriminale tjeter te fshehur neper ate tunel”, shkruan Rrusta.
Grabitja e Rinasit është ndër ngjarjet e rralla ku policia ende nuk ka bërë një deklaratë për shtyp dhe as ka dhënë ndonjë informacion zyrtar rreth saj.
