Kryebashkiaku kërcënon gazetarin, reagon Vokshi: “Model i narkoshtetit, ftoj mediat të protestojnë”

Ish-deputetja e PD, Albana Vokshi, ka dënuar me forcë kërcënimin që kryetari i Bashkisë Pukë i ka bërë disa ditë më pare gazetarit të emisionit investigativ “Fiks Fare”, të cilët i tha “Të lidhi për konopi e nje ktu të la…”

Vokshi e ka cilësuar këtë kërcënin si sjellje të zakonshme të qeverisë Rama ndaj gazetarëve, ndaj edhe ftoi qytetarët që më datë 13 prill të bashkohen në protestën e madhe të Opozitës.

‘Bandat zyrtare të #Kryeministrit, u tregojnë “muskujt” dhe kërcënojnë me jetë #gazetarët!!

Para disa ditësh, #Kryetari i #Bashkisë #Pukë ka kërcënuar me jetë një gazetar të emisionit “Fiks Fare”.

“Të degjeneroj m..”, “Të lidhi për konopi e nje ktu të la…” kërcënon Kryebashkiaku i Edi Ramës, gazetarin që po investigonte historinë e pushimit të padrejtë nga puna, vetëm për arësye politiketë një nëne të pambrojtur.

E dënueshme, e papranueshme, sjellja e Kryetarit të Bashkisë Pukë, i cili ende qëndron në detyrë, edhe pas kërcënimeve me jetë si bandit ndaj një gazetari që ishte në detyrë.

Ky është modeli i narkoshtetit, që vodhi në mes të ditës 10 milion euro për të blerë zgjedhjet e dikatatorit. E po kështu po blejnë edhe heshtjen e mediave me para, tendera, koncesione, PPP apo me kërcënime edhe me jetë.

Është koha për të mos heshtur!!

Ftoj Shoqatat dhe Unionin e Gazetarëve të reagojnë në mbrojtje të gazetarëve që shantazhohen e dhunohen nga qeveritarë vendore e qendrorë.

13 prill ftoj në protestë;

– gazetarët, të cilët kërcënohen hapur nga Kryeministri, si në rastin e Ylli Rakipit,

– gazetarët që kërcënohen hapur nga kryetari i Bashkisë Pukë, si në rastin e gazetarit të emisionit investigativ “ Fiks fare”

– gazetarët që kërcënohen live nga policia e Lleshajt dhe Kryetarit të Bashkisë Tiranë, padronit të televizioneve dhe portaleve të gjobave si në rastin gazetares së Neës 24.

– gazetarët e proceduar vetëm pse po bënin me përkushtim detyrën e gazetarit investigativ duke publikuar lidhjet e frikshme të funksionarëve të lartë me krimin dhe trafikun si Jetmir Olldashi, Basir Collakut

– të gjithë gazetarët që ndihen te kërcënuar, keqtrajtuar, shantazhuar, shfrytëzuar nga bandat ne qeveri dhe bandat ne rrugë!! #Protesto13Prill’

/DRONI.al/