Një aksident i rëndë ka ndodhur në superstradën Cassino- Formia në SanGiorgo të Italisë, ku një shqiptar është përplasur ashpër me një makinë e cila drejtohej nga një italian i moshuar.
Impakti ka qenë aq i fortë saqë motorri Tmax i shqiptarit dhe makina Fiat Panda e të moshuarit 72 vjeçar janë kthyer në dy grumbuj teneqeje e hekuri. Si pasojë e aksidentit të rëndë 38 vjeçari shqiptar është transportuar në spital në gjendje kritike për jetën. Po ashtu i moshuari ndodhet në gjendje të rëndë dhe është dashur ndërhyrja e një helikopteri për të çuar të dy të plagosurit drejt një prej spitaleve të Romës.
