Kryeministrit i pëlqen të inagurojë sheshe, vepra, rrugë e ti bëjë të gjitha sipas metodave të huaja. Por ndonjëherë harron se ato duhen mirëmbajtur dhe jo të lihen në mëshirë të fatit.
Një rast vjen nga Lezha. Kur sheshi i Lezhës u rikonstruktua, ndriçimi u bë me llamba që gjenden vetëm në Korenë e Jugut. Sot ato janë djegur dhe Bashkia nuk ka mundësi që t’i zëvendësojë. Për këtë arsye natën qendra e Lezhës është në errësirë të plotë.
I rikonstruktuar si pjesë e Rilindjes urbane 5 vite më parë nata duket kështu. Të paktë janë ndriçuesit e ndezur. Në kushte të tilla është shumë pak i frekuentueshëm. Banorët mbyllen herët në shtëpi.
Shkak për këtë anormalitet janë ndriçuesit. Modeli i tyre unik ka vështirësuar mundësinë e gjetjes. Bashkia e Lezhës thote se konstatimi i bërë nga ABC News është i drejtë. Llambat e ardhura nga Koreja janë të veçanta dhe zgjidhja e vetme është ndryshimi i krejt sistemit ndriçimit dhe unifikimi i tij për të cilën po zhvillohen tratativa.
