Policia ka vijuar me arrestimet dhe procedimet penale të pjesëmarrësve në protestën e madhe të opozitës.
Këtë herë, policia ka njoftuar arrestimin e një 50-vjeçari për shkak se ai kishte postuar foto me armë disa orë para protestës.
“Publikon foto armësh duke bërë thirrje publike për veprime të dhunshme për protestën, proçedohet nga policia për veprën penale ” Thirrje për veprime të dhunshme”, shkruan policia.
NJOFTIMI I POLICISË
Policia e Lezhës ka proceduar penalisht një 50-vjeçar i cili akuzohet për ‘thirrje për veprime të dhunshme’.
Sipas të dhënave zyrtare, specialistët e Seksionit për hetimin dhe parandalimin e krimeve në Komisariatin e Policisë Lezhë, proceduan penalisht shtetasin Gj.D. 50 vjeç, banues në Lezhë.
Materialet procedurale u referuan Prokurorisë pranë Gjykatës Shkallës Parë Lezhë për veprime mëtejshme
