Gjendja e rrugës që lidh Durrësin me Shijakun nxorri sërish në protestë banorët e Xhafzotajt dhe Rrashbullit.
Në shenjë revolte ata bllokuan rrugën, ndërsa kërkuan ndërhyrje për rehabilitimin e aksit që thonë se është kthyer në një gangrenë dhe u vështirëson jetën.
“Kërkojmë rrugën, të rregullohet dhe mirëmbahet siç ka qenë”.
“Nga Maminasi në Rrashbull ndodhen bizneset më të fuqishme dhe rrugët janë copë-copë. Nuk e di ku shkojnë taksat”.
“Turpi më i madh ëhstë për turistët gjatë verës”.
Protestat për gjendjen e degraduar të rrugës kanë qenë të vazhdueshme por reagimi ka munguar.
Ndaj edhe banorët tashmë paralajmërojnë me përshkallëzime të reagimit.
“Ne do të bllokojmë rrugën”.
Rruga Shijak-Durrës, e gjatë 8 kilometra përshkohet në të dyja korsitë e saj nga banesa dhe biznese, por siç thonë banorët ajo është lënë në harresë pavarësisht premtimeve për ndërhyrje nga qeveritë
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
