Policia e Fierit ka arrestuar autorin e aksidentit që i mori jetën 20-vjeçarit nga fshati Hoxharë e Vjetër, Arif Xhafa.
Pas një pune hetimore intensive nga Specialistët e Qarkullimit Rrugor dhe Specialistët për Hetimin e Krimeve, u bë i mundur kapja dhe ndalimi i shtetasit A.B, 24 vjeç, banues në Pojan.
Sipas policisë, shtetasi A.B, duke drejtuar automjetin tip “Volkswagen” në aksin rrugor Fier-Dërmënas, dyshohet se ka aksidentuar shtetasin A.Xh dhe më pas është larguar nga vendngjarja.
20-vjeçari u gjet mbrëmjen e kaluar pa jetë në një kanal në fshatin Hoxharë e Vjetër të njësisë Dërmënas në Fier nga familjarët dhe është transportuar për në spital nga i ati.
Materialet do i kalojnë Prokurorisë pranë Gjykatës së Shkallës së Parë Fier për veprime të mëtejshme procedurale.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
