Një person ndërroi jetë në ambjentet e paraburgimit në Kukës. Fillimisht u tha se 49-vjeçari kishte vrarë veten dhe se vuante nga epilepsia.
Ndërkohë policia jep një version tjetër të ngjarjes. Sipas informacioneve nga ta, Medi Gjuni është ndjerë keq në paraburgim dhe më pas policia e ka dërguar në spital.
Sipas tyre, 49-vjeçari ka ndërruar jetë në spital. Për vdekjen e të paraburgosurit kanë nisur hetimet.
Gjuni ishte arrestuar për dhunë në familje, gjatë mbrëmjes së 31 dhjetorit, ndërsa ndalimi dhe shoqerimi i tij është bërë me datë 1 janar 2019.
