Monika Kryemadhi ka lëshuar deklarata të forta, gjatë një takimi me strukturat e LSI në Elbasan. Ajo foli për kryeministrin Edi Rama duke analizuar gjithë qeverisjen e tij, teksa nuk ngurroi të jepte dhe zgjidhjen për largimine tij.
“Mos mendoni se Rama do iki vetë, nuk mbaron pilafi në kazan, atë do ta largojmë ne, nuk e largojnë partitë politike, por do ta largojnë shqiptarët, dhimbjen nuk e ndjemë ne, as deputetët, por shqiptarët, familjarët,”-ka thënë Kryemadhi.
Kryetarja e LSI, foli dhe për seancën e djeshme parlamentare ku maxhroanca rrëzoi amendamentet e opozitës për vettingun në politikë.
“Nuk mund të shkëputet institucionet e shtetit nga krimi dhe nga bandat nëse nuk do të bëjnë Vetting. Edi Rama dje kishte frikë nga Vettingu, dhe përveçse kishte frikë nga Vettingu tregonte dhe dobësinë e tij dhe dashurinë e tij të pamasë ndaj krimit, ndaj drogës dhe ndaj korrupsionit, deklaroi Kryemadhit.
Ajo u ndal dhe tek situata me studentët. Kryemadhi tha se Edi Rama nuk pranon tarifat e studentëve, sepse e gjithë paketave e zgjidhjes së problemeve të studentëve është 100 milion euro.
“Edi Rama u fal me qindra miliona euro, pesë apo 10 vetave oligarkë, të cilët nuk ja kanë paguar këto para buxhetit të shtetit. 1/3 e këtyre faljeve që u bën Edi Rama këtyre 10 vetave, 1/3 e këtyre parave dalin dhe teprojnë që studentët shqiptarë të jetojnë si të gjithë studentët e tjerë europian në të gjithë Europën. Por Edi Ramës nuk i dhimbsen shqiptarët, sepse po të dhimbseshin shqiptarët sot ne nuk do të ishim populli më i varfër në Europë”, deklaroi Kryemadhi.
https://www.facebook.com/KryemadhiMonika/videos/516995915488009/
