29 dhjetori do të shënojë vitin e pestë që kur Michael Schumacher kaloi në koma pas një dëmtim të rëndë në tru në një aksident me ski.
Por lajme të mira vijnë për fansat dhe dashamirësit e tij. Ai nuk do të qëndrojë më i shtrirë. Janë shpenzuar shuma të mëdha parash për kujdesin e tij shëndetësor të cilat kanë dhënë efekte.
MailOnline njoftoi se është zgjeruar stafi i infermiereve dhe fizioterapistëve, që është vlerësuar të kushtojë më shumë se 50,000 paund në javë.
Pavarësisht nga raportimet në muajin mars, ku thuhej se legjenda e F1 kishte mbetur i paaftë për të folur apo për të ecur, Sportsmail ka mësuar se ai nuk është më i shtrirë.
Babai i dy fëmijëve jeton së bashku me anëtarët e ngushtë të familjes në një rezidencë prej 50 milionë dollarë në brigjet e liqenit të Gjenevës.
Schumacher do të mbushë 50 vjeç më 3 janar – vetëm pesë ditë pas përvjetorit të tragjedisë dhe gjendja e tij mjekësore është mbajtur nën kontroll të rreptë që kur ka ndodhur.
Gruaja e tij mbi 20 vjet, Corinna, këmbëngul herë pas here që lajmet për shëndetin e tij të mbahen sekret.
