Studentëve u janë bashkuar dhe banorët e Unazës së Re. Banorët e Unazës kanë hequr jelekët fosforeshentë ngjyrë portokalli duke iu qëndruar afër studentëve të cilët i kanë mirëpritur.
Banorët e Astirit janë shprehur se mbështesin kauzën e studentëve dhe për të qënë bashkë me ta kanë lënë jashtë çështjet politike.
”Ne këtu protestojmë për kauzën e studentëve, kurse për kauzën tonë mblidhemi tek Unaza. Atje do të protestojmë”, thanë banorët e Unazës.
Studentët vijojnë në ditën e 11 të protestës së tyre, ndërkohë që kanë bërë thirrje se duhet të jenë bashkë për të fituar kauzën e tyre.
Ata janë të vendosur për plotësimin e kërkesave të tyre duke refuzuar dialogun me kryeministrin, nëse nuk miratohen.
Nga ana tjetër, ata i bënë thirrje Edi Ramës që të mos i provokojë me postimet në rrjetet sociale, pasi janë të vendosur për të kundërshtuar dialogun.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
