Në një deklaratë për mediat, Ministria e Infrastrukturës dhe Energjisë ka pranuar skandalin me tenderat për projektin e Unazës së Re.
Vetë Ministri Gjiknuri konfirmoi vërtetësinë e skandalit të denoncuar në media. Ai tha se zgjidhur kontratën me kompaninë “DH Albania”, e cila kishte fituar tenderin e ndërtimit të lotit të parë të “Unazës së Madhe” duke ndërprerë kështu punimet në lotin e parë të saj.
Gjiknuri shpjegoi se kishte marrë konfirmimin nga autoritetet amerikane se kjo kompani e ka falsifikuar një pjesë të dokumentacionit dhe pret tani hetimet e prokurorisë.
Nga ana tjetër, ai tha se nuk ka asnjë dëm ekonomik dhe se falsifikimi me dokumentat është bërër jashtë Shqipërisë. Ndërkohë Gjiknuri tha se të gjithë përgjegjësit do të japin llogari, përfshirë edhe vetë ministrin, por ai tha se nuk ka asnjë përfshirje në falsifikimin e dokumenteve.
Pjesë nga deklarata:
‘ARRSH me 7 dhjetor pezulloi punimet dhe zbatimin e kontratës për lotin e parë të Unazës së Madhe të Tiranës dhe ARRSH ju drejtua zyrtarisht Ministrsië së Infrastrukturës për të ndihmuar komunikimin me autoritetet amerikane në lidhje me verifikimin e pretendimeve të ngritura nga media.Me 7 dhjetor në mëngjes i jam drejtuar zyrtarisht me shkresë Ambasadës amerikane, Ministrisë së Punëve të Jashtme që edhe ajo përmes Ambasadës sonë në Uashingon të vihej në lëvizje si dhe kam kontaktuar me kërkesën time zyrtarë të Ambasadës së SHBA dhe u kam kërkuar ndihmë dhe asistencë.
Në bazë të përgjigjeve të ardhura dje rezulton se një pjesë e dokumentacionit të paraqitur nga kompania “DH Albania” në procedurat e tenderit është e falsifikuar. Janë të dhëna të rreme, një pjesë e informacionit nuk ekzistonte në regjistrat tregtarë”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
