Të tjera detaje vijnë nga media greke në lidhje me aksidentin tragjik të ndodhur këtë të hënë në zonën e Qiparisja-së, ku tre 15 vjeçarë, ndër ta dhe adoleshenti shqiptar, humbën jetën për shkak të përplasjes me një furgon.
15 vjeçari shqiptar është Enriko Buzani. I riu jetonte prej vitesh në shtetin grek së bashku me familjen. Media greke ka publikuar gjithashtu dhe emrat e dy miqve të tij, shtetasin grek Niko Trialona dhe Kristo Mertai, 15 vjeçarin me origjinë nga Bullgaria.
Tre adoleshentët ishin lojtarë të klubit të futbollit ‘Kyparissia’ dhe konsideroheshin si djem mjaft të talentuar.
Për ndarjen nga jeta të 15-vjeçarëve, ka reaguar në rrjetet sociale edhe klubi i futbollit, i cili ka shprehur ngushëllime
‘Klubi i Futbollit Kyparissia mësoi me hidhërim ndarjen nga jeta të tre futbollistëve të rinj, Kristo Mirtai, Niko Trialona dhe Enriko Buzani që u larguan në mënyrë kaq të papritur dhe të padrejtë. Ne shprehim ngushëllimet më të thella për familjarët e tre engjëjve dhe ndajmë dhimbjen me ta’, thuhet në komunikatën e klubit të futbollit.
Si ndodhi tragjedia
Djemtë kishin lënë orën e mësimit dhe kanë marrë automjetin e babait të të riut shqiptar për një xhiro. Gjatë udhëtimit të rinjtë janë përplasur me një furgon në aksin kombëtar Pirgo-Methoni, pranë zonë së Terpsitheas.
Dy miqtë 15 vjeçarë të shqiptarit, një bullgar dhe një shtetas grek, vdiqën në vend gjatë impaktit të fortë. 15 vjeçari shqiptar humbi jetën gjatë dërgimit të tij në spitalin e Rios.
Nga perplasja eshte plagosur lehte dhe drejtuesi i furgonit, nje 48-vjecar. Tre te miturit jetonin me familjet e tyre ne Kiparisia.
Më poshtë fotot dhe video tregojnë dhe aksidentin dhe gjendjen në të cilën është katandisur makina ku udhëtonin të rinjtë.
