Një italian është nën hetim në gjendje të lirë, pasi akuzohet se ka grabitur një vajzë shqiptare 18 vjeçe, pas një marrëdhënie me pagesë. Siç raporton këtë të mërkurë “la Voce di Mantova”, ngjarja ka ndodhur së fundmi në komunën Rubiera, në provincën Reggio Emilia.
Sipas një rindërtimi paraprak të ngjarjes nga karabinierët, 34-vjeçari ka marrë vajzën në makinë, teksa kjo e fundit, e cila punonte si prostitutë, qëndronte në rrugë në pritje të klientëve. Pasi konsumuan raportin seksual, italiani po e kthente vajzën në vendin ku e mori fillimisht, por në një moment ndodh agresioni.
Ajo, duke e kuptuar se klienti donte ta grabiste, kërkoi t’ia mbathte.
Por, 34-vjeçari e ndaloi të zbriste nga mjeti dhe i rrëmbeu çantën me 30 euro brenda (çmimi i marrëdhënies që kreu me të më herët) dhe telefonin. Më pas, e nxori më dhunë nga makina dhe e la në rrugë. Vajzës i erdhi në ndihmë një i moshuar që kalonte aty, i cili telefonoi ambulancën.
E reja u transportua për në spital dhe mjekët i caktuan një prognozë shërimi prej 5 ditës. Nga ana tjerët, një hetim nisi lidhur me rastin dhe efektivët arritën të identifikonin 34-vjeçarin nga Mantova falë sistemit të mbikëqyrjes me kamera, që kishin fiksuar targat e makinës.
Megjithëqë, kur u ndala nga policia, ai tregoi një histori të ndryshme nga ajo e vajzës. Italiani u mbrojt duke thënë se bëri një vetërimbursim, pasi nuk ishte i kënaqur nga marrëdhënia që pati. Ai shpjegoi se kishte rënë dakord me vajzën për një raport seksual të plotë, ndërsa ajo u limitua vetëm një raport oral. Për këtë, i mori 30 eurot, që ia kishte dhënë më herët.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
