Është vënë në pranga vrasësi i gazetares investigative në Bullgari.
Ai është një shtetas rumun me pasaportë moldave. Thuhet se ai është i dyshuari kryesor për vrasjen e gazetares bullgare Viktoria Marinova. Lajmi bëhet i ditur nga radio shtetërore duke cituar ministrin e Brendshëm.
Personi i arrestuar për vrasjen e gazetares Viktoria Marinova mendohet se është me origjinë ukrainase dhe shtetësi rumune që bënte jetën e njeriut të rrugës.
Trupi i pajetë i gazetares u gjet të shtunën e kaluar në një park në qytetin verior, pranë lumit Danub. Ajo gjithashtu ishte përdhunuar dhe ishte lënë më vonë në park.
Nuk dihet nëse vrasja është e lidhur me punën e saj si reportere në stacionin televiziv lokal, TVN. Policia ka nisur hetimet për jetën e saj personale dhe profesionale.
Të hënën qindra qytetarë bënë homazhe në Bullgari, duke e quajtur këtë shtet si vendin me lirinë e medias më të keqe në Bashkimin Europian.
